餐飲業員工工時長，不少更需要在餐廳內用膳。有網民在facebook發帖投訴，稱中午繁忙時間到連鎖快餐店午膳時，有員工「食完飯仲要霸住位睇手機」，無視她推着嬰兒車，並帶着兩個小朋友在旁等5分鐘，直言「呢個態度真係佩服」。不少網民都留言鬧爆發文者刻薄，「員工食飯時間都要被人當批鬥座公審」、「你要食人哋唔使食？」，認為「可以問一問再搭枱，或者畀小朋友坐住先再搵位」。
facebook專頁「屯門友」前日（5日）轉發一名屯門街坊投訴，指她不時聽到朋友大讚屯門市中心的大快活服務很好，員工會幫顧客拿餐，見顧客推嬰兒車會幫忙尋找座位，但她的一次經歷，則令她大感不忿。
該街坊指，每次光顧都「爆晒位」，認為既然服務好，生意好亦應份。但她有次在中午12時午市時段光顧，發現有「員工食飯都霸咗3張4人枱」，而且「食完飯仲要霸住位睇手機」。街坊稱，當時自己推着嬰兒車和帶着兩個小朋友，在員工旁邊等了5分鐘，對方都沒有反應，斥「呢個態度真係佩服」。
據街坊上載的照片可見，兩名大快活員工正使用一張4人枱，他們確實在按電話，但枱上的午餐仍有飯菜和飲料，旁邊則有兩個空位。
fb專頁的管理員先回應樓主投訴，指「餐廳員工要食飯其實好正常，做飲食辛苦人所共知」，認為員工把握食飯時間休息是很合理；並稱「圖中員工都係正常用膳，無話刻意拖長霸位」。管理員明白投訴者帶着小朋友，希望盡快有位也合理，但亦希望可體諒員工苦況，「主動友善咁問下人地方唔方便」，認為「多體諒，一人行一步先係正路」。
帖文亦惹來不少網民批評，斥投訴人帶着小朋友便「以為自己大晒」、「人哋都係人，食先有得坐底，咁都睇唔開，仲要出post」，並質疑樓主可以「好聲好氣問人搭枱」；另有大批網民同情員工，「食完都唔畀人唞一唞，人哋碟飯都未食完，等咗5分鐘啫，等唔到咪食第二間，冇耐性不如返屋企自己煮」、「即係員工唔可以坐低食飯？定係要企喺度丶或踎係地度食飯？」、「員工食飯時間係咁多就係咁多，仲要人讓畀你？」「人哋都係人，食先有得坐底，咁都睇唔開，仲要出post」
來源：頭條日報
Tag cloud:
好工推介
職場熱話
- 1
- 2
-
同事表面友善背後放冷箭？打工仔慘變「是非精」箭靶！學識呢幾招保護自己更重要！
TOP 1 -
做在職媽媽並非好事？哈佛研究：事業媽媽子女更易成功！
TOP 2 -
英國推AI助手改善公務員工作 每日慳近半小時工時
TOP 3 -
中六合彩後生活會變成點？得主女兒：父母中獎後性格劇變 欣賞佢哋冇畀金錢蒙蔽雙眼
TOP 4 -
公屋最差屋邨掀爭議 多條邨上榜被列大鑊原因 網民：人心不足？
TOP 5
-
關注組版主發表27頁長兩餸飯經濟報告 一盒飯映照經濟及文化變遷
TOP 6 -
工時長人工低選擇轉工 卻被母親無情指責 慘被鬧「唔生性、冇用」
TOP 7 -
女上司麻煩過男上司？網友反駁：「有啲人天生愛控制，無論男女都係咁！」
TOP 8 -
日本企業推行商用名字制度 打工仔對客可使用假名 避免被人起底或騷擾
TOP 9 -
內地「存款千萬換實習」惹熱議 業界：產品收益差距縮 增值業務變護城河
TOP 10
-
理財7大誤區 你中幾多個？避免常見理財錯誤
TOP 11 -
住深圳 日日搭高鐵返工 打工仔大讚極方便 網民看法不一：齋搭車都要三千蚊
TOP 12 -
消費降級係咩感受？中年打工仔：「最難受莫過於身邊人要陪你一起捱」
TOP 13 -
國際勞工組織研究：文職最容易被AI取代 女性受影響風險較男性高出2.8倍
TOP 14 -
政府推銀髮經濟30項措施 包括釋放銀色生產力 推廣長者友善僱傭措施
TOP 15
-
中年轉工人工少一千 但工作量少加上人事唔複雜 網民：「賺咗！出糧會捐款做善事」
TOP 16 -
失業、裁員、公司執笠 香港真係進入十年衰退期？
TOP 17 -
6.1起領取交通補貼門檻提高至500元 每月最多補貼呢個數
TOP 18 -
樓價跌三成 租金升三成 打工仔 呢個時勢轉租為買係咪明智？
TOP 19 -
買兩餸飯仲平過自己煮？網民：「平時買餸都百幾蚊 $45兩個餸已經夠食」
TOP 20
